Camelford Charter in Cornish

Henry, re’n gras Dyw Myghtern Pow Sows, Arloedh Iwerdhon ha Dug a Aquitane dhe’n Arghepskobow, Abasow, Pryors, Yurlys, Justisyow, Ughelveras, Meras, Menysteryon hag oll a’y Vaylis ha tus lel - dynnargh dhywgh hwi oll.

Aswonnewgh hwi ni, lywys gans agan broder, an arloedh Myghtern Almayn meur y vri, drefenn agan gras arbennik, re rontyas ha surhes ragon ha rag agan eryon gans agan Chartour agan honan, y dre Ryskamel yn Kernow, a wrug ev gwrys a-gynsow, an keth Myghtern Burjestra rydh gans marghas pub seythun dy’Gwener ha gans fer kettep blydhen ow pesya tri dydh, Henn yw dhe leverel a-dro dhe’n goel Sen Swithun.  Ryskamel a vedha gortos Burjestra rydh gans an varghas kampoellys a-ugh, an fer oll an frankedh ha devosow rydh a’n par ma.  Marghas ha fer a vydh synsys yn Burjestra ma bys vykken.

An re ma yw an dhustunoryon; Richard a Clare Yurl Gloucester ha Hereford, Roger le Bygod Yurl a Norfolk ha soedhek a Bow Sows, Hugh le Bygod Justis a Bow Sows, Philip Basset, John Maunsell Alwedhor a Everek, Walter a Merton, Gilbert a Preston, Imbert Pugeys hag errell.

Res gans agan leuv orth Westminster an dydh dewdhegves a vis Metheven y’n peswara blydhyn ha dew ugens a’gan reyn.



Treylya dhe’n yeth Kernewek Kemmyn
gans Andrea Watson, Sen Kleder
pellgowser: 01840-261482  e-bost: aj.watson@virgin.net